Производителите на паметни телефони може да започнат да ги прилагодуваат своите уреди на „полесната верзија“ на Android. Google ја испорача Android Go верзијата до производителите на паметни телефони. Финалната верзија на оперативниот систем ќе биде готова за неколку месеци. Google го најави Android Go на Google for India.
Android Go ќе биде достапен насекаде. Oперативниот систем зафаќа 50% помалку простор од Android 7.0, а апликациите работат 15% побрзо. Оперативниот систем е наменет за телефони кои имаат помалку RAM, типично помеѓу 512 МВ и 1 GB.
Android Go е обид на Google да овозможи подобро искуство за сопствениците на поевтини уреди. Ова подразбира дека сепак, за поквалитетно искуство и производителите ќе треба да исполнат некои минимални стандарди кога хардверот е во прашање.
Заедно со оперативниот систем доаѓаат и нови верзии на неколку апликации. Така телефоните со послаб хардвер ќе имаат: Google Go, Google Maps Go, Gmail Go, YouTube Go, Google Assistant Go, Files Go, Gboard, Chrome, and Play.
Оперативниот систем и Go апликациите се наменети за најевтините уреди. Тие доаѓаат со многу послаб хардвер, па функцинирањето на апликациите не е соодветно. Поради ова, корисниците се незадоволни од оперативниот систем иако, не секогаш проблемот е кај Android.
Android Go е втор обид на Google да го надмине овој проблем. Пред неколку години компанијата се обиде да направи нешто слично со Android One. Тогаш идејата беше оваа ознака да ја добијат телефони кои исполнуваат минимални хардвер стандарди
