{mosimage}Добри вести за корисниците на iPhone. Како прво, Google објави бесплатна верзија на нивниот софтвер Google Earth за Apple iPhone. Како второ, се чини дека iPhone firmware-от 2.2 ќе поддржува Street Views во Google Maps апликацијата. Заедно, овие промени ги зголемуваат интерактивните можности на мапите на iPhone.
Google Earth е 3Д апликација со мапи, која на корисниците им овозможува да патуваат околу планетата и да ги запознаат познатите места на земјата, географијата и градовите во тродимензионална техника. Google Earth апликацијата ги прикажува истите слики и ги нуди истите навигациски можности како и на десктоп клиентите, и на старт ќе се прикажуваат гео-локациски статии на Wikipedia и преку 8 милиони Panoramio фотографии, а исто така и различни видови на мапи. Апликацијата е компатибилна со првата и втората генерација на модели на iPhone и iPod touch кои функционираат на EDGE, 3G, и други WiFi мрежи.
Сите оние кои ќе ја пробаат апликацијата ќе бидат изненадени поради фактот што воопто не е спора. Овој софтвер одлично и брзо го врши креирањето на 3Д фотографиите. Исто така, Google многу добро ја има интегрирано апликацијата на корисничкиот интерфејс на iPhone. Корисниците ќе имаат лесен пристап до сите места, бизниси, познати историски споменици, туристички објекти и до многу други корисни информации. Исто така, со опцијата "пребарувај блиску до мене", со еден клик можете да ги пронајдете сите бизниси блиску до вас, без да морате претходно да го венсувате името на градот. Барате добра кафетерија во Англија, Франција, Италија? Само еден клик.
Апликацијата е бесплатна и достапна во продавницата за апликации на iPhone.
Другата новост за iPhone доаѓа од Apple. Во последната верзија на firmware 2.2, ќе има поддршка за Street Views во Google Maps апликацијата на iPhone. Со неа, корисниците на iPhone ќе можат да ги гледаат истите слики на нивните дестинации како и оние што ги гледаат десктоп корисниците во нивната навигација низ мапите.
Исто така, оваа апликација на корисниците им овозможува од нивниот iPhone да ги пронајдат системите за масовен превоз. Тоа е добра вест за туристите како и за жителите на градовите.
Како и да е, сеуште нити Google нити Apple официјално не ги имаат потврдено овие новини, а сеуште нема нити потврден датум за најновата верзија на софтвер за iPhone.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
