GOG Galaxy е едно од најпријатните изненадувања во војната со клиенти и успешно ги обединува сите фронтови. Се работи за клиент преку кој добивате пристап до сите ваши игри. Од една појдовна точка и преку практичен интерфејс, можете ги инсталирате и играте игрите кои се на Steam, Uplay, Origin, Gog или од каде и да е.
Втората верзија на GOG Galaxy само што не е излезена од бетата, но гејмерите веќе можат да уживаат во една долго посакувана функција, а тоа е пристап до претплати како Game Pass за PC, Uplay+, и слично. Па така, доколку сте претплатени на некој ваков сервис, автоматски ќе ви бидат понудeни за инсталирање и игрите од таквите претплати. Приказот и инсталација на игри на кои сте само претплатени и потполно ист како и со игрите кои ги поседувате.
Оваа функција е дел од петтото надополнување на клиентот. Со надополнувањето доаѓаат и неколку други функции, како можности за покренување неколку различни верзии на игра, како и со модифициани параметри. Понатаму, можете рачно да си ја средувате листата со игри онака како што баш вие сакате. Корисничкиот интерфејс има доживеано неколку промени, а бројни багови се поправени, исто така.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
