Wine Is Not an Emulator, или на кратко Wine, e aпликација со отворен код која дозволува да се портираат Windows апликации за Linux и Mac OS X, а наскоро и на мобилниот оперативен систем Android. Оригиналниот програмер зад софтверот, Александар Џулијард, на кратко ја покажа апликацијата на Free and Open source Software Developers’ European Meeting 2013 во Брисел, која иако „ужасно спора“, сепак работела доволно функционално.
Демото изгледало лошо и споро, пишува Phoronix, но тоа е бидејќи апликацијата сè уште не е целосно завршена и била стартувана преку Android емулатор. Сепак таа има доволно потенцијал да може да стартувате целосни Windows апликации на Android паметни телефони и на Android таблет компјутери.
Г. Џулијард моментално работи во CodeWeavers кои продаваат лиценциран Windows емулатори базирани на Wine. Компанијата се надева дека Intel ќе забележи успех со x86 Atom процесорите за таблет компјутери бидејќи гледаат комерцијални можности за да може да се користат Windows апликации на Android.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
пааа, прекрасно :)