Архивата на МРТ е веб сајт на кој можете да најдете стотици македонски (музички) емисии, фестивали, документарци, серии и филмови. Се работи за најразлични содржини кои се целосно дигитализирани и спремни за репродукција.
На сајтот можете да ги најдете првите Македонски народни приказни, Телеспорт емисии, Струшки вечери на поезијата , и многу, многу повеќе. Некои содржини се од исклучително дамнешно време и предизвикаа серија од интересни емоции додека листавме низ нив. Во случај да точно знаете што барате, имате на располагање и енџин за пребарување, а кога ќе го најдете саканото, репродукцијата започнува со само еден клик.
За жал, сајтот често знаеше да ги игнорира нашите команди и да бара освежување, одново пребарување и вклучување. Во некои ситуации, тврдоглаво одбиваше и да ги вчита мултимедијалните содржини. Исто така, за многу содржини не е вметнато во соодветното поле кога се по првпат емитувани, таквата информација обично ја наоѓате во самото име под видеото (опис: File Name).
