Gigabyte успеа да спакува вистинска моќ во лаптоп кој е тенок само еден инч, или 2,5 сантиметри. Aorus X7 лаптопот е прв од новата Aorus линија на гејминг уреди од Gigabyte кои ќе бидат конкурентни на супер-тенките Razer Blade лаптопи. Aorus X7 има 17,3-инчен LCD екран со 1920×1080 резолуција, Intel Core i7-4700 HQ процесор на 2.4 GHz, со турбото до 3.4 GHz, до 8 GM DDR3L RAM, и со две Nvidia GeForce GTX 765М графички картички со по 4 GB GDDR5. Покрај овие моќни спецификации, наменети пред се за гејминг, лаптопот има и 1,3 мегапиксели камера, Bluetooth 4.0 и три USB 3.0 портови. Но, иако ова е одлична машина која ќе биде достапна од март, сепак цената од над 2.100 долари ќе ве натера да се размислите и можеби да побарате поевтина десктоп алтернатива.
[youtube]ODY0H_gD2Uc[/youtube]
