Tesla можеби е компанијата поради која сите зборуваат за електрични возила, но General Motors е компанијaта која може да ги популаризира.
Компанијата во соработка со кинески партнери го претстави електричното возило со неинвентивно име E100. Дизајнот на возилото е на SAIC-GM-Wuling во кој GM има 44% удел. Цената по која ќе се продава возилото е 5.300 долари. Причина за ниската цена на возилото е и субвенцијата која ќе ја обезбеди Кина. За жал, лоша вест е дека барем засега E100 е достапен единствено во Кина.
Возилото е помалечко и помалку наликува на Smart. Максималната брзина на возилото е 100 km/h, а опсегот на возилото е околу 150 km со едно полнење. Моторот на Е100 е 39 коњски сили, јави Car News China. Возилото има простор за 2 патници и речиси нема простор за багаж, но токму поради ова цената е волку ниска.
Најголема предност на E100, секако не е убавината на возилото. Но, за 5.000 долари најверојатно ќе ги пронајде своите купувачи.
