Game of Thrones е најпопуларната најпиратираната телевизиска серија за 2012 година, вели TorrentFreak. Серијата е симната во нешто над 4.280.000 илегални копии, што е малку повеќе од публиката која ја имала серијата во САД. Ланската најпиратирана серија беше Dexter.
Очекувано, најголемото пиратирање, скоро 80 отсто, се случува надвор од САД. Една причина за ова е што овие серии имаат свои премиери во САД, па по некое време, често недели и месеци доаѓаат и во другите земји. Во времето на друштвените мрежи, малку фали да се загрее атмосферата и да се популаризира содржина, па љубителите единствено на ум им е како да ја најдат својата омилена серија што е можно побрзо. Дури и ако сакаат да платат да гледаат серии, фановите најчесто немаат кому да му платат бидејќи сериите ги нема онлајн или пак треба да се чека за дигитални верзии.
Затоа пиратеријата е примамливо решение, но и идеја за сите идни стартапи и бизниси да го најдат „следното големо нешто“. TorrentFreak пишува дека ако HBO или некој друг најде бизнис решение кое ќе ги направи своите содржини достапни глобално во исто време, нудејќи им да корисниците да конзумираат серии кога сакаат и каде сакаат, тогаш пиратеријата ќе се намали.
Според сајтот, годинава е забележан мал пораст во симнување преку Bittorrent клиенти.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
