Двајца француски хакери успеале да реконструираат заматен QR-код (приватен клуч за криптовалутата) и да дојдат до биткоините од истиот. Хакерите се побогати за околу 1000 долари, јави BBC.
Не станува збор за кражба, туку за предизвик. Францускиот претприемач Роџер Вер им понуди 1.000 долари на гледачите. Наградата одеше кај гледачот кој прв ќе успее да го скенира кодот. Но, тв каналот France 2 не дозволува игри на среќа, па целиот код беше заматен.
За среќа, на крајот на документарецот за криптовалути, кратко време беше прикажан незаматен мал дел од приватниот клуч. Благодарение на ова, Мишел Сасано и Клемент Сторк имаа од каде да започнат. По куп избиструвања на сликите, разгледување на стандардите за QR-код, на крајот сепак успеаја да го дешифрираат клучот.
Претприемачот кој ги понуди парите, и самиот беше воодушевен од подвигот на хакерите.
„Со речиси никакви податоци успеаја да го реконструираат приватниот клуч и да ги подигнат средствата“, вели г. Вер.
