Forza серијалот од тркачките игри на Microsoft е исклучително добар. Forza Horizon 4 беше една од нашите игри кои едноставно моравте да ги одиграте за време на новогодишните празници, а Forza Motorsport 7 ја прогласивме како една од најдобрите игри во 2017 година.
Forza Street е, всушност, Miami Street со друго име, но доколку сте по тркачки игри и имате малку слободно време, би можело да ви се допадне едноставниот гејмплеј каде учествувате во супер брзи трки. Трките се со времетраење од една минута, а целта е да соберете легендарни автомобили и да освојувате трофеи. Forza Street не само што е бесплатна, туку е и поприфатлива за оние корисници кои имаат послаби компјутери. Студиото зад играта, Turn 10 Studios, објасни дека играта потпаѓа под нивната политика Play Anytime, Anywhere и е достапна на PC преку Windows продавницата, на Microsoft.
Моментно, играта има 107 рецензии и влече просечна оценка од четири ѕвездички (од максимум пет). Од она што ние прочитавме, на корисниците не им се допаѓа баш ребрендирањето на Miami Street и прилепување на Forza етикетата, нити пак едноставните гејмплеј механики. Turn 10 Studios, меѓутоа, ветува дека ги слуша критиките на играчите и дека планира да им излезе во пресрет на нивните желби, како и да воведе нови работи преку идните надополнувања.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] Прочитај повеќе тука…IT.mk […]