Google сака да го види стартапoт Basis Science во своите редови, но гигантот не е единствениот кој е заинтересиран за оваа компанија и нејзиниот часовник кој го следи здравјето на корисникот. Покрај Google заинтересирани се и Apple, па дури и Microsoft и Samsung, јавува Techcrunch.
Според шпекулациите, Basis Science е речиси сигурно во преговори со Google и Apple, а се шпекулира дека се сретнале и со Samsung и Microsoft. Сите компании со исклучок на Microsoft или работат на сопствен паметен часовник или веќе имаат претставено сличен продукт. Apple и Google подолго време најавуваат дека работат на ваков уред, а пред неколку месеци Samsung го издаде Galaxy Gear. Basis важи за најпрецизен монитор за здравјрто во моментот на пазарот, кога станува збор за собирањето и испраќањето на податоци. Дизајнот на часовникот е проблем, но било која од заинтересираните компании може да го исправи ова. Познавачите на состојбата велат дека сумата за која е достапен Basis Science е околу 100 милиони долари.
[youtube]VlE76I4VSVs[/youtube]
