Mozilla наскоро би можела подобро да ги крие навиките на корисниците кои се одлучиле да сурфаат на интернет анонимно. Компанијата сака да ја подобри опција за инкогнито/приватно прелистување во Firefox, така што ќе овозможи криење и од онлајн сервисите кои можат да го следат корисникот и при приватно прелистување.
Дел од екстензиите на Firefox како Ghostery или Privacy Badger веќе го овозможуваат ова, но сега Firefox ги имплементира можностите на екстензиите во своето инкогнито прелистување, јави TechCrunch. Новитет е достапен за сите верзии на Firefox: Windows, Mac и Linux, како и за Android верзијата.
„Наша хипотеза е дека кога ќе го вклучите приватното прелистување во Firefox праќате сигнал дека сакате поголема контрола врз приватноста отколку што, досегашното искуство овозможува“, велат од Mozilla. Но, за жал дел од страните нема да продолжат да функционираат доколку не можат да ги следат корисниците, па можеби за дал од овие страни ќе мора да направите исклучок. Со новата верзија на Mozilla корисниците повеќе нема да можат да користат непроверени екстензии.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
