Во меѓувреме и Европската унија ќе спроведе истрага за технологијата на Facebook за препознавање на лица од фотографии.
Ако до сега Facebook знаеше што сакате, од сега ќе знае и како изгледате. Facebook ја имплементираше новата опција за автоматско препознавање на лица на фотографии тивко, без некое посебно известување, и опцијата е вклучена по зададено (default), што значи ако не ја исклучите опцијата самите, тогаш Facebook ќе ве препознава. Најголемиот проблем тука е што Facebook често ја менува структурата на сајтот, додавајќи нови опции без претходно да ги извести своите корисници.
Facebook не може автоматски да ги тагнува сликите, меѓутоа со новата опција – Tag suggestions – може да им сугерира на вашите пријатели да го сторат тоа. Опцијата за препознавање на лица ќе ве најде во сликите на вашите пријатели и ќе им препорача да ве препознаат.
Иако е овозможено само на пријателите да ве тагнат, и при секое тагирање се добива нотификација, сепак сигурен сум дека повеќето од вас не сакаат да бидат препознаени и тагнати на секоја можна слика што е закачена на Facebook. Многу од овие слики не се баш за гледање, особено кои се од родендени и разни други веселби.
Но, за среќа, оваа опција многу лесно може да се исклучи.
- Упатете се во Privacy Settings и кликнете на Customize Settings.
- Кај “Suggest Photos of Me to Friends” притиснeте на Edit Settings.
- Ќе ви се отвори прозорец на кој што имате опција Enabled, притиснете Disabled.
Меѓутоа, иако е лесно да се исклучи опцијата за препознавање на лице, Facebook продолжува со својата политика за поотворени профили. Да не беа корисници загрижени за приватноста кои преку безбедносната фирма Sophos ја споделија информацијата за оваа опција, ќе дознаевме откако веќе ќе бевме испотагнати. Sophos мината година објави писмо до Facebook барајќи да приватноста да биде наместена по зададаено, а доколку некој сака да јавно споделува лични информации да може самиот по избор да ја исклучи приватноста.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
