Можеби е престрого доколу кажеме дека Facebook продолжува да се однесува како насилник, но социјалната мрежа еднаш нѐ принуди да го користиме Messenger, и сега ќе се обиде да го наметне и Moments.
Најверојатно ова се најлоши вести за корисниците кои ја користат социјалната мрежа за синхронизација и бекап на своите фотографии. Пред да ги избрише фотографиите пред 7 јули, социјалната мрежа започна со испраќање на известување до своите корисници во кои ги предупредува дека ако не ја инсталираат Moments ќе ги загубат сликите, јави TechCrunch.
Пред да започнете со паника, македонските корисници немаат никаква причина за грижа, функционалноста за синхронизација не е достапна во Македонија, па со оглед на тоа дека немаме слики, нема ни што да ни биде избришано.
Но, поголем проблем е што најголемата социјална мрежа по втор пат ќе се обиде да им наметне на корисниците инсталирање на апликација која можеби и не ја сакаат. Можеби основачот на Pirate Bay, Питер Сунде, на ова мислеше кога пред некое време ја обвини социјалната мрежа за диктаторство.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
