Европскиот суд го укина договорот помеѓу САД и ЕУ за чување на кориснички податоци

Договорот помеѓу САД и Европската Унија, наречен Safe Harbour, со кој се дозволува чување на податоците на Европјани на сервери во САД повеќе не важи. Ова е одлука на Европскиот суд на правдата, врз која несомнено имаат влијание доверливите податоци кои ги сподели поранешниот аналитичар на NSA, Едвард Сноуден, а кои oткрија дека агенциите во САД постојано го забиколуваат законот. Барање на судот е сите 28 членки на Унијата да имаат увид во тоа како се собираат и користат информациите на граѓаните на секоја од државите. Најголем дел од државите членки на Европската Унија, имаат различни закони кои мора да бидат почитувани, пренесува New York Times

„Safe Harbour“ е договор помеѓу САД и Европа со кој податоците на жителите на Европа можат да бидат префрлени и чувани во САД. Единствен услов за префрлањето на овие податоци е компанијата и државата да гарантираат за безбедноста и тајноста на податоците. Но, доверливите документи кои г. Сноуден ги украде и објави јавно, покажуваат дека агенциите во САД имаат пристап до податочните центри на технолошките гиганти, а добар дел од времето како што дознавме, ниту самите компании не знаеле дека комуникациите се прислушувани и следени.

Со промената наместо само дозвола за префлање на податоците, двете страни (држава членка на Унијата и компанијата) ќе креираат договор со стандарди за заштита. Секоја од државите може сама да одлучи и да не дозволи чување на податоците на своите граѓани во САД, но можат да побараат од компаниите, податоците на граѓаните да бидат чувани единствено во матичната држава. Посебно е издвоен Facebook, за кој ирските законодавци ќе проверат дали Европјаните се доволно заштитени при трансферот на податоците од ЕУ во САД.

Дел од компаниите како Facebook и Microsoft, а и претставници во законодавните домови на ЕУ, велат дека одлуката на судот нема премногу да влијае на работата на компаниите, сервисите ќе продолжат да функционираат како и досега, бидејќи останатите договори кои ги имаат со Унијата, ќе обезбедат доволна заштита. Активистите за заштита на дигиталните права ја поздравија одлуката на Европскиот суд на правдата, а признание на судот му оддаде и г. Сноуден преку новокреираниот Twitter профил.

Добивај известувања
Извести ме за
guest
2 Коментари
Најнови
Најстари Со највеќе гласови
Inline Feedbacks
View all comments
trackback

[…] Дополнителен притисок врз американските компании е и укинувањето на договорот Safe Harbour, па сега чувањето на податоците на Европјаните е […]

trackback

[…] потребен Европскиот суд на правдата да издејствува и да го суспендира законот за префрлање на податоците на граѓаните на Европската Унија во податочни центри […]