Европската Комисија очекува до 2020-та година да има 50 милијарди уреди поврзани на интернет кои ќе обезбедат разни услуги на граѓаните преку паметни апликации и сервиси.
Oсновното нешто за „Интернет на нештата“ е поврзувањето на разните уреди со RFID таговите, кои се попаметни од обичните баркодови. Преку овие чипови ќе се овозможи уредите, од автомобил до тостер, па и кравите, да комуницираат меѓу себе, односно да споделуваат информации и податоци за да можат да се следат преку интернет, и да можат да се контролираат со основни команди, барем за почеток.
Првото видео од ЕУ, кое е наменето за едукација и да ги мотивира програмерите да ја користат технологијата, објаснува каква придобивка имаат студентите од интернет на нештата. Пример, ако професорот е болен тој ќе може да испрати мејл до студентите дека нема да биде на работа. Тоа е можно и сега, нели? Но, со интернет на нештата, таа информација ќе може да се споделат со сите поврзани-за-интернет уреди и со тоа да може да му се каже на алармот да звони покасно, да му се каже на кафематот да не го прави кафето итн.
[youtube]kq8wcjQYW90[/youtube]
