Европската Унија размислува за керирање на нов регулатор кој ќe биде задолжен за компании кои имаат речиси монополски статус како Facebook и Google. Новата комисија ќе биде задолжена за економската закана која ја претставуваат овие компании, јавува Wall Street Journal, повикувајќи се на документ од Комисијата кој не е официјализиран.
„Пребарувачите, онлајн маркетите и друштвените мрежи се претвараат во супер-седишта кој можат да бидат од системска важност за остатокот за економијата. Само во мал дел од економијата нема да има влијание од овие ентитети“, се вели извештајот на Европската Унија. Најголем дел од компаниите кои се споменати во листата доаѓаат од САД, всушност од 32-та споменати примери единствено 5 доаѓаат од некоја друга држава. Најголемите технолошки компании од САД, Google, Facebook и Амазон се дел од листата. Европскиот Spotify AB е еден од ретките примери на компании надвор од САД.
За сега формирањето на ова регулаторно тело е далеку од реализација, најпрво предлогот треба да се достави до владите на државите членки, а потоа да биде изгласан од парламентот, итн. што значи дека предлогот ќе претрпи промени до својата финална верзија. Тоа што се чини останува константа е желбата на Европа да ги контролира монополите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
