Европската Комисија отвори истрага да испита дали Apple и уште пет издавачи преземаат несоодветни мерки да ја ограничат конкуренцијата на пазарот на е-книги. Петте издавачи се Hachette Livre, Penguin, Harper Collins, Simon & Schuster и Verlagsgruppe Georg von Holzbrinck.
Истрагата е започната по обвиненијата од компани кои не се именувани дека Apple заедно со петте издавачи нелегално ги покачувале цените за е-книги во периодот кога беше претставен iPаd таблет и iBookstore во 2010-та година.
За Комисијата е сомнителeн начинот на како се одредуваат цените за е-книги пред да се објави таблет компјутерот. Аpple е првиот продавач кој им дозволи на издавачите да влезат во „агенциски договор“ каде издавачот ги одредува цените под кои ќе се продаваат е-книгите од онлајн продавниците. Проблемот се јавува доколку се открие дека издавачите ги местеле цените така за да може да му даде процент и на продавачот, во случајов Apple кој заработува процент од продажба преку неговата iBook продавница.
Според Комисијата истрагата е во рана фаза и тоа не значи дека се случиле нелегални активности. Но, доколку се открие дека имало неконкурентни активности, компаниите ќе бидат казнети со 10 отсто од глобалниот приход.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
