Оперативните системи Chrome и Android на Google ќе си останат оделени продукти уште долго време, вели претседателот на бордот на Google, Ерик Шмит. Со ова г. Шмит ги смири шпекулациите кои се појавија откако Google постави хромирана Android статуа на својот кампус во Маунтин Вју, Калифорнија.
Оваа статуа веднаш се поврза со именувањето на Сундар Пичаи, кој ги води Google Apps и Chrome проектите, како шеф за Android наместо Едни Рубин. Но, г. Шмит решително ја отфрли можноста Android и Chrome да бидат споени во еден оперативен систем, ниту пак дека ќе бидат отфрлени како што неодамна беше отфрлен Google Reader. Десетици милиони корисници сè уште се зачудени зошто беше изгасен овој популарен RSS сервис.
На настан во Индија, г. Шмит исто така наговести дека постои можност апликацијата за контекстуално пребарување Google Now да се појави за iOS б. Неговиот коментар „Apple има полиса за проверување на апликации, некои ги одобруваат, а некои не“ иако не открива многу, сепак сугерира дека Google можеби веќе има креирано iOS апликација за Now.
Alan: “When can I get Google Now on my iPhone?” Schmidt: “You’ll have to ask Apple” #BigTentIndia
— Mahendra Palsule (@ScepticGeek) March 21, 2013
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
