Вентилаторите помагаат за одржување на температурата на компјутерите во прифатливи граници, но поради движењето на воздухот собираат купишта прашина. На кус рок ова и не е проблем, но по неколку месеци прашината се таложи на преките и вентилаторот работи полошо. Поради ова корисниците или сервисерите треба повремено да ги отворат и зачистат. Ако сте се обиделе да го направите ова, најверојатно знаете дека звучи полесно отколку што навистина е…
Image Enermax
Компанијата Enermax има ново решение, вентилатори кои самите се чистат од прашина. D.F. Vegas е новата серија на вентилатори, која при вклучувањето се врти брзо во обратна насока за да истресе прашината. Вентилаторите можат да се вклучат да работат во неколку брзини (1.100, 1.300 и 1.500), во зависност од посакуваното ниво на бучава.
Вентилаторите ќе бидат достапни овој месец, но од Enermax сè уште не излегле со точна дата и цена.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
