Веројатно надвор од САД пикап камионет никогаш нема да ја има популарноста на автомобилите, но во САД приказната е поинаква. Популарноста на пикап возилата, но и квалитетот на Rivian R1T го направија возилото едно од најдобрите на саемот за возила.
Возилото е изработено од стартап базиран во Мичиген, Илиноис. Делот за производство на батерии и автономија е одделен и се наоѓа во Калифорнија. Ова е првото возило на стартапот кој само што излегува од „сенка“ и можеби и затоа сите сме малку повеќе импресионирани од возилото. И иако стартапот е нов секако не е анонимен. Пред неколку месеци, во февруари, Amazon инвестираше 700 милиони долари во него.
Возилото без сомневање е нешто пофутуристичко отколку што сме навикнале да видиме во оваа класа. Најголема предност е што возилото има електричен мотор кој е помал од традиционалниот мотор на бензин и нафта, па има простор за уште повеќе работи за транспорт.
Цената на возилото започнува од 61 500 долари, а ќе има и поексклузивни модели. Всушност компанијата го следи примерот на Tesla кои започнаа со ексклузивните модели, а работеа на поевтините возила. Први во продажба излегуваат возилата со 180 kWh и 135 kWh батерии. Основната верзија на возилото доаѓа подоцна, а помеѓу полнењата може да помине 400 километри.
Покрај пикапот R1T компанијата ќе произведува R1S теренско возило со ист или барем многу сличен дизајн како и пикапот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
