Еквадор е првата држава која креира сопствена дигитална валута. Ecuador Sistema de Dinero Electronicо (електронски ситем на валути), започна со регистрација на корисниците во декември, а паричните трансакции ќе започнат овој месец, јави CNBC.
„Електронската валута е дизајнирана да биде истовремена и да ја поддржи доларизацијата“, велат претставници на Централната банка на Еквадор.
Според законот во Еквадор, сите парични трансакции се во долари откако во 2000 година земјата ја напушти својата валута и ја замени со американскиот долар. Сепак и покрај поддршката на властите на „доларизацијата“, дел од анaлитичарите сметаат дека новата дигитална валута е фискален маневар со кој се подготвува де-доларизација. Со ова централната банка би можела да издава пари, кои не се поврзани со доларите.
Дигиталната валута нема да може да се исплаќаат работниците, но дел од услугите како на пример плаќањето на такси превозот ќе може да се прави со новата дигитална валута. Во последната трета фаза предвидено е и плаќање на данок со дигиталната валута. Според планот граѓаните на Еквадор ќе можат дигиталните пари да ги заменат за кеш без никаков проблем.
За разлика од најпопуларната крипто-валута – биткоин – која е забранета во Еквадор, новата официјална дигитална валута ќе биде контролирана од државата и ќе биде со еднаков курс како американскиот долар.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
