После четири успешни изданија, EESTEC LC Skopje ви го најавува и петтото издание на Code App Level Up, кое ќе трае од 15 април до 21 април под темата Startup Edition powered by Vip.
Имате идеја, но не знаете како да ја реализирате и да започнете сопствен стартап бизнис? Овогодинешниот натпревар на Code App Level Up: Startup Edition powered by Vip кој ќе започне на 15 април и ќе трае до 21 април е одлична можност за вас.
Целта на натпреварот е да ги едуцира и насочи младите кон правилна имплементација на своите ИТ идеи, да се поттикне претприемачкиот развој. Дел од настанот ќе бидат предавачи и ментори кои зад себе имаат успешни стартап проекти и кои своето искуство ќе им го пренесат на учесниците. Тимовите во текот на целиот натпревар ќе работат со своите ментори од кои ќе добијат насоки и совети како да ја имплементираат својата идеја.
Покрај тоа што овој натпревар е одлична шанса да се дознае нешто повеќе за развивање на стартап бизнис, учесниците ќе се стекнат со нови знаења и искуства во полето на програмирање, дизајн и претприемништво.
Натпреварот официјално ќе биде најавен во сабота, 16 март на Vip Startup Academy во зградата на Вип, каде учесниците детално ќе се информираат за процесот на аплицирање.
Учество на настанот е целосно бесплатно, а сите заинтересирани може да аплицираат на следниот линк до 25 март.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
A1 Македонија 
Native Teams 
