Работев за владата, а сега работам за јавноста, вели описот на Twitter профилот на поранешниот аналитичар на NSA, Едвард Сноуден, кој конечно му се приклучи на друштвената мрежа. Г. Сноуден го потресе светот сообјавување на доверливи документи кои откриваат дека американската Агенција за национална безбедност (NSA) користела софистицирани и нелегални технологии да ја следи интернет комуникацијата и да прислушува луѓе ширум светот. Иако тој често даваше интервјуа, учествуваше на панели преку видео стрим од Москва каде се крие од страв дека американските власти ќе го осудат за веле-предавство, сепак ова е прв негов личен профил на друштвена мрежа за кои вели дека се будно следени од NSA.
Toa што е интересно е што иако за неколку часа профилот го следат повеќе од 500.000 корисници, Едвард Сноуден следи единствено еден профил, профилот на NSA! Досега тој има неколку твитови и интересна преписка со популарниот астрофизичар Нил Дегрис Тајсон, но и со дел корисници кои не се согласуваат со неговите методи. Што се однесува до локацијата, г. Сноуден најверојатно твита во Москва. Доколу се врати во САД најверојатно го чека затворска казна од 30 години, и обвинение за предавство, поради документите и информациите кои ги сподели со медиумите.
Can you hear me now?
— Edward Snowden (@Snowden) September 29, 2015
.@neiltyson Thanks for the welcome. And now we've got water on Mars! Do you think they check passports at the border? Asking for a friend.
— Edward Snowden (@Snowden) September 29, 2015
Welcome to Twitter, Edward @Snowden. I see you only follow one account. Me too. Mine's far more evil.
— God (@TheTweetOfGod) September 29, 2015
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
