Со име како Chromee Lite Browser, лесно би можеле да помислите дека ова е едноставна верзија на Google Chrome, но тоа не би можело да е подалеку од вистината. Chromee Lite е сосема одделен проект, од компанија која нема никакви допирни точки со Google, но има желба да понуди исклучително едноставен и лесен прелистувач.
Да се каже дека Chromee Lite Browser е скромен би било потценување од епски размери. Ова е прелистувач кој е целосно лишен од напредни процедури и ви дозволува само да отворате нови јазичиња, да впишете, односно вметнете URL за некој сајт или пак да пребарате нешто преку Google. Десен клик? Дополнителни опции? Ова се работи кои се целосно непознати на Chromee Lite Browser.
Во случај да барате лесен, брз, и едноставен прелистувач кој со задоволство нуди опции кои можат да се избројат на прсти од една рака, тогаш проверете го тука!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
