Едно од најпопуларните видео изразувања на TikTok е процесот на усогласување на движењето на вашите усни со надворешен, стран аудио извор. Кога е изведено мајсторски, резултатите знаат да бидат импресивни, особено при пеење одредена песна. Но, колку сте вие навистина добри во тоа?
LipSync by YouTube е алатка која ја користи вештачката интелигенција на Google – Tensorflow.js за да заклучи дали ве бива за lip sync или не.
За да започнете, кликнете на следниот линк за да дозволите да се искористи вашата камера за детектирање препознатливи црти на вашето лице. Потоа, ќе треба да ја пеете песната Dance Monkey за да се направи проценка за вашата прецизност. Процедурата може да се повторува онолку пати колку што сакате, а податоците кои ќе бидат извлечени и процесирани од ова ќе останат само на вашата направа.
Во моментот кога ќе бидете задоволни со резултатите, можете да преземете безвучен GIF како и да го споделите со останатите. Слободно предизвикајте ги пријателите да пробаат да бидат подобри од вас!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
