Дали технологијата во иднина во целост би можела да ги промени рестораните и нивниот начин на работење? Пред неколку недели во Сан Франциско е отворен првиот комплетно автоматизиран ресторан Eatsa. Неодамна TechCrunch го посети ресторанот, а услугата и изгледот може да ги погледнете во видеото подолу.
Првата работа која можат да ја забележат посетителите е недостатокот на персонал, но и големиот број на таблети поставени секаде наоколу. На еден од ѕидовите се наоѓаат „кутии“ со дисплеј на кој корисниците можат да ја видат својата нарачка, но и времето потребно за довршување и фазата во која е приготвувањето во моментот.
Корисникот влегува, ја внесува картичката, го одбира јадењето и за неколку минути храната е готова и доаѓа јадењето. Се чини дека со отстранување на персоналот значително се скусува времето поминато чекајќи ја нарачката, иако сепак станува збор за навистина едноставна храна.
Подготвувањето на храната не е целосно автоматизирано, но во Eatsa велат дека доколку се покаже економски исплатливо би сакале да го автоматизираат. Податоците како името на корисникот го добиваат од платежната картичка, а потоа се користи за покажување на кутијата од каде посетителите треба да го подигнат јадењето.
Идеата зад Eatsa е рестораните да бидат испорачани во контејнери и да бидат оставани во населби каде нема извор на здрава храна. Бидејќи единствен начин за плаќање е преку телефон или картичка сервисот може да понуди поволности и попусти за постојаните корисници, вели Дејвид Фридберг, кој е основач на ресторанот.
Речиси без сомневање никој нема да го посети ресторанот за отмена вечера, но тоа и не е идејата. Креаторите се надеваат дека Eatsa ќе биде омилено место на вработените во околината, а ова може да се забележи и на менито, храната е лесна за јадење и од неа нема да им се приспие на корисниците. Планот на Eatsa е ланец на расторани, но ова најверојатно ќе зависи од прифаќањето и успехот на првиот ресторан.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
