Дубровник ќе биде првиот паметен град во Хрватска. Преубавиот град во кој се снимаат Game of Thrones и новиот Star Wars Episode VIII, досега беше познат по старата архитектура, а отсега ќе биде познат и по тоа штo ќе биде првиот град во Хрватска кој ќе користи паметни технологии.
Засега станува збор за една паметна улица на која осветлувањето ќе обединува неколку технологии: 4G, оптика и Wi-Fi. Она што ќе биде овозможено веднаш е препознавање и регистрирање на прекршоците во сообраќајот, а подоцна ќе биде овозможена и идентификација на паркирани возила и и мобилно плаќање на паркинг, јави Total Croatia News. Технологијата не е наменета единствено за туристите, туку треба да им помогне и на граѓаните на Дубровник, а и да ја поевтини работата на локалните власти. Дел од придобивките за граѓаните се брзите Wi-Fi хотспоти и куп апликации кои ќе им го олеснат животот.
Од 9 до 12 април е најавена Smart City Startups конференцијата. Дел од решенијата и идеите на кои се работи денес произлегуваат токму од оваа конференција.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
