Dropbox конечно ја претстави официјалната верзија на Paper. Бета верзијата на апликацијата е достапна веќе неколку години, но сега конечно им е достапна на сите.
Апликацијата е слична со голем дел од сличните апликации како Google Docs или Office 365. Ова не е за изненадување, бидејќи и досега речиси сите текст едитори се налик еден на друг. Paper овозможува додавање на веб-елементи и нивно вгнездување во документите. Секако како сите слични сервиси и Paper е фокусиран на соработката.
Дополнителнот преку тагирање апликацијата овозможува испраќање на нотифкиација и „пингање“ на некој кој е засегнат. Ова овозможува паметно и едноставно споделување на документите. Овозможува и вградена интеграција со Google Calendar преку која можат да се споделат белешки од состаноци.
Апликацијата сè уште се надградува, а можеби најголем недостаток е немањето на офлајн пристап до документите на iOS и Android, според The Next Web.
