Дали во подалечна иднина некои поробусни беспилотни летала би можеле да се користат за градење? Научниците од ETH Zurich Flying Machine Arena мислат дека во иднина би можело да биде така, извести Robohub.
Тимот од Цирих со помош на три дрона успеа успеа да креира висечки мост од јаже, кој подоцна беше тестиран од член на тимот. Двата дрона на кои е закачена апаратура која управува со испуштање на специјално изработеното јаже, кое дроновите го закачуваат на изработената метална конструкција. Станува збор за идеални услови кои тешко дека ќе се повторат во реалноста, но сепак станува збор за само прв чекор.
Мостот е долг 7.4 метри, а тимот вели дека тестот треба да биде единствено демонстрација дека дроновите можат да креираат структури кои можат да издржат товар.
