Во случај да забележувате забавена работа во Windows 10 оперативниот систем или пак да го слушате вашиот хард диск како „тропка“ и врти погласно од вообичаеното, шансите се дека некои програми го користат за читање и запишување невообичаено висок број од податоци на вашиот хард диск.
AppReadWriteCounter е уште една алатка од огромниот каталог на талентираните NirSoft. Со неа, надгледувате како секој програм работи со вашиот хард диск, со што брзо, лесно и ефикасно можете да дознаете кои програми се осмелуваат да го тормозат оваа парче хардвер.
Најновата верзија на AppReadWriteCounter се одликува со опција за самопокренување, односно автоматски да се вклучува секој пат кога ќе го вклучите компјутерот за да може веднаш да започне со надгледувањето и идентификувањето на проблематичните програми. За таквото нешто потребно е да кликнете на Options откако ќе се вчита програмот, па да изберете Put Icon On Tray.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
