На овогодинешната конференција SXSW (South by Southwest) премиерно ќе биде прикажан документарецот „Downloaded“ на кој е прикажано раѓањето на Napster и животот на двајцата основачи, Шон Паркер и Шон Фенинг, кои водеа битка со музичката индустрија.
Од почетокот на 1998 година, peer-to-peer сервисот ја промени музичката индустрија, подоцна и останатите, при што предизвика големи последици како смрт на продажбата на музички цедиња. Сервисот беше купен од Best Buy, па од Rhapsody, а едни од инвеститорите во Napster беше и некогаш многу популарната музичка телевизија – VH1. Минатата година, Фенинг и Паркер заедно го стартуваа сервисот Airtime кој претставуваше друштвена мрежа базирана на видео, но истата баш и не се прослави.
Филмот за целата приказна околу Napster ќе биде прикажан на 10-ти март, а трејлерот можете да го погледнете подолу.
[youtube]6Ai6K2VIEXM[/youtube]
