DoubleDog е апликација која на корисниците им овозможува да ги предизвикаат своите пријатели и познаници, и да им постават различни задачи. Доколку си помисливте „тоа не може да е добра идеја“, тогаш се согласуваме.
Апликацијата овозможува на секој корисник да понуди пари и да испорача предизвик. Доколку предизвикот е исполнет прeдизвиканиот добива исплата; доколку е одбиен, предизвикувачот добива исплата во двојна вредност од понудената. „Игрите“ можат да се играат за пари или за поени. Доказот за завршениот предизвик е видео, кое се испраќа на предизвикувачот.
Досега има видеа на корисник кој јаде црв и корисник кој го става јазикот во вентилатор, а само прашање на време е кога некој ќе добие поглупава идеја. Најверојатно веќе додека го читате текстот ви текнува на некој познаник кој ќе направи се за пари или барем да ви докаже дека е во право.
Апликацијaта е достапна за iOS и Android.
Апликацијата како да е дел од кампањата за филмот Nerve кој моментално се емитува во Cineplexx, во кој главните глумци учествуваат во слична онлајн игра која ја следат онлајн голем број на корисници и им задаваат предизвици.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
FitKit 
