Apple ја претстави новата верзија на мобилниот оперативен систем, iOS 5, која изобилува со куп новини, околу 200 подобрувања, за корисниците на iPhone, iPod и iPad.
iOS 5 сега го вклучува iCloud сервисот кој ги синхронизира содржините на уредот, пример, ако симнете песна на еден уред истата песна ќе биде префрлена и на друг. iCloud функционира како складиште во облакот каде целата содржина се префрлува автоматски и е достапна од било каде. Со бесплатниот iCloud оди и iTunes Match сервисот кој за 25 долари годишно ќе овозможи пристап до целата iTunes библиотека од било каде, вклучувајќи и додадената (импортирана) музика, не само купената.
[youtube]DCjeSNomXrU[/youtube]
Со iOS 5 доаѓа и личниот асистент Siri кој во моментов е достапен само за новиот iPhone 4S. Нема информации дали во иднина ќе биде овозможен и за другите верзии на телефонот.
[youtube]L4D4kRbEdJw[/youtube]
Други поголеми новини во iOS 5 се:
- нотификациите кои сега се сместени во Notification Center. Нотификациите сега можат да се појават најгоре на екранот додека користите некоја апликација и со едноставно извлекување на тој Notification center ќе може да се извршат одредени акции и да се прегледаат пораките;
- претставен е Find My Friends сервисот кој е достапен преку icloud.com и кој овозможува да се гео-лоцираат пријателите преку нивните iOS уреди, доколку тие ви го дозволиле тоа. Има интересна опција временски да се лимитира пристапот до локацијата.
- AirPlay е алатка за безжично стримање на тоа што се гледа на iOS уредите на HDTV и звучници.
- Тwitter е комплетно интегриран преку официјалната апликација;
- има и Wi-Fi sync алатка што овозможува синхронизација на уредот со iTunes преку Wi-Fi мрежа;
- iMessage е нов сервис за читање на SMS, апсолутно ист како и претходната апликација само што сега е синхронизиран кај сите iОS уреди;
- имејл апликацијата доби опции за болдирање, подвлекување и друго форматирање на текстот со едноставна команда;
- апликацијата за фотографии сега овозможува едитирање на фотографиите. Се работи за мали уредувања на сликата како намалување на црвенилото на очниот ирис, сечење на сликата и осветлување;
- Newsstand сега е самостајна апликација преку која може да се менаџираат претплатите за дигиталните магазини;
- има Reminders апликација за креирање на листи и потсетник, дури и според локација, кој може да се синхронизира преку iTunes или iCloud;
- Safari прелистувачот за iPad доби табови
- на iPad-от сега може да се користат неколку прсти за лизгање на барот за мултитаксинг и други слични команди;
- …
[youtube]LLJIef-e-7g[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Мала забелешка на следново: „Нотификациите сега можат да се појават во поп-ап додека користите некоја апликација и преку тој поп-ап ќе може да се извршат одредени акции или да се прегледаат пораките“
Погрешно. Нотификациите сега не се во форма на глупите поп-ап балончиња за известувања кои нервираа. Заменети се со Notifications Center.
баш јако изгледе според вие видео презентации !
Не е достапен сеуште