Понекогаш е навистина тешко да се сфати што мисли Samsung. Јужнокорејскиот гигант верува дека вистинските фанбојс ќе купат навистина сѐ, дури и нов S7 Edge инспириран од Batman. „Партнерството со Warner Bros. Interactive Entertainment и можноста да издадеме специјално издание за Galaxy S7 за фановите на Injustice: Gods Among Us е навистина возбудливо. Samsung отсекогаш сакал да им овозможи надобро гејминг искуство на своите корисници, а ова партнерство само ја потврдува нашата посветеност кон корисниците“, вели Јангхи Ли од Samsung.
За волја на вистината станува збор за Galaxy Edge кој одлично изгледа, но оваа верзија е „збогатена“ со супер грда заштитна маска. Injustice едицијата доаѓа и со Samsung VR и со специјално изработен метален украс во форма на знакот на Batman. Телефонот ќе биде достапен од јуни во: Кина, Сингапур, Јужна Кореја, Јужна Америка и Русија, подоцна ќе се „придружат“ и други пазари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
