Од една страна Teenage Mutant Ninja Turtles: Splintered Fate понуди солидна акција, лесна приказна и одлични можности за (локален) ко-оп со нашите омилени нинџа желки. Од друга страна, Calico е невообичаена симулација која или ќе ја врати или дополнително ќе ја утврди вашата љубов кон мачките. Неодамна, овие две игри се подновија со интересни додатоци. Доколку сте фанови на основните игри, никако не би требало да ги заобиколите овие DLC-а.
DLC преглед: Teenage Mutant Ninja Turtles: Splintered Fate – Casey Jones & the Junkyard Jam и Calico – Neat Things
Teenage Mutant Ninja Turtles: Splintered Fate – Casey Jones & the Junkyard Jam: Кратко, но слатко DLC
Зошто да го играте?
- Фанови сте на основната игра и барате кратно, но забавно проширување на забавата
- Нова кампања која е дел од основната
- Нов лик со уникатни способности, поразлични противници и дополнителни босови
Cowabunga, друштво! Вашите омилени нинџа желки имаат нов пријател кој им помага за справување со сите неранимајковци. Teenage Mutant Ninja Turtles: Splintered Fate – Casey Jones & the Junkyard Jam нема само долг наслов! Оваа DLC се одликува и со целосно нов лик како и целосно ново наративно искуство кое е испреплетено во постоечката игра. Така да, сакале – несакале, ова е вашата прилика да го откопате ратното хокеј стапче и да растурите низ мапите со целосно нов ентузијазам.
Проширено искуство
Преку новата приказна, која е одлично интегрирана со кампањата, ќе можете да навлезете на територија на панк жабите. Шареноликата депонија открива целосно нови локации кои никако нема да ве остават рамнодушни со нивниот невообичаен дизајн, особено Gigi’s Chop Shop, Crane Vista, и Battlebot Arena. Новиот лик, Кејси, ќе ве освои со агресивниот пристап. Ликот се движи и бори на различен начин од нинџа желките, пружајќи целосно ново и забавно искуство. Особено ни се допадна способноста Slapshot која е и, воедно, првата способност за напад од далеку. Final Strikes и Guard Break дополнително влијаат на нудење уникатен стил на играње.
Сите овие нови способности се од особена важност за справување со сменетите непријатели како и со новите (мини) босови.
Покрај новиот лик и околина и противници, DLC-то додава и 5 нови артефакти што можат да се користат за сите ликови, додавајќи нови стратешки слоеви на вашите преигрувања, особено во мултиплеер. А, кога сме кај мултиплеерот, вашите пријатели не мора да го поседуваат DLC-то за заедничко уживање. Имено, ако домаќинот има пристап до Casey Jones & the Junkyard Jam сите што се во онлајн лобито се одобрени за уживање во сите предности. Истово важи и доколку ја играте играта преку локален ко-оп.
Casey Jones & the Junkyard Jam е фантастично дополнување за Shredder’s Revenge. Додатокот е полн со забавни содржини, нудејќи свежа перспектива и впечатливо искуство. Без разлика дали сте огромен фан на нинџа желките или пак едноставно барате незаборавна beat-’em-up акција, ова DLC одлично се вклопува во основната кампања!
Повеќе детали за играта
- Произведува: Super Evil Megacorp
- Издава: Super Evil Megacorp
- Жанр: акција
- Платформа: Microsoft Windows, конзоли
- Излезе на: 5 февруари 2025
Calico – Neat Things DLC: Колекција од мали, но значајни додатоци
Зошто да ја играте?
- Фанови сте на основната игра и сакате одново да започнете ново, проширено искуство
- Проширени области и нови срдечни активности замислени да ве опуштат и насмеат
- Мора ли да има и трета причина? Понекогаш, не треба многу за квалитетна забава
Нема никакво сомневање дека Calico ги шармираше играчите со својот пријатен свет полн со мачки, до тој степен да преслатката игра моментно ужива во 89% позитивни рецензии на Steam. Неодамна излезениот додатоко Neat Things додава уште повозбудливи содржини за истражување. Имајте во предвид, меѓутоа, дека сепак се работи за скромно проширување и наместо масовни промени, додатокот ќе го прошири вашето искуство со збирка од слатки, мали додатоци. Целта на Neat Things е да го подобри постоечкото искуство, правејќи ја основната игра уште по неодолива.
Стара дружба на нов начин
Со новиот додаток, добивате и нова мисија – Neat Things Scavenger Hunt дозволува на вашата тетка да ве испрати на восхитувачка потрага низ целиот остров, охрабрувајќи ве повторно да ги посетите познатите локации, но со „свежи очи“. Ново-вметнатите богатства ви дозволуваат уште поубаво да се потсетите на шармот на Calico. Mermaid’s Cove, пак, е новата област вметната во Clover Cove. Заливот на сирените е прекрасно дизајнирана област и органско продолжение на волшебната атмосфера на Calico.
Новите животински придружници пружаат дополнителни можности за дружење (читај: гушкање), додавајќи уште еден слој на топлина во играта
Cutie City, забавната разонода од основната игра, добива две нови активности кои нудат одмор од управувањето со кафулето, а и обезбедуваат малку безгрижна забава. Ако некогаш сте сонувале да водите кафуле со водна тематика, DLC-то “Neat Things” ви овозможува да го остварите тој сон. Новите опции за мебел овозможуваат уште поголемо прилагодување, дозволувајќи ви да создадете совршен подводен рај за вашите клиенти и животински придружници.
Покрај сите овие работи, ќе наидете и на мали ситни проширувања или подобрувања поврзани со околината, како играње со собрани лисја, дување глуварчиња, и слично
Кога ќе се земе се во предвид, Neat Things е совршено шармантно проширување за Calico. Не е револуционерно, но не ни треба да биде. Го зема сето она што ја направи основната игра толку пријатна и додава дополнителни слоеви замислени да понудат срдечно искуство кое ќе ве остави насмеани.
Повеќе детали за играта
- Произведува: Peachy Keen Games
- Издава: Whitethorn Games
- Жанр: авантура
- Платформа: Microsoft Windows
- Излезе на: 6 февруари 2025
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
