Во случај да сакате ем roguelite механики, ем комплексни системи со карти, тогаш би можеле да ја проверите најновата игра на 1C Game Studios. Иако е дел од раниот пристап на Steam, Deathless. Tales of Old Rus веќе ги има солидно разработено клучните аспекти и нуди импресивна deckbuilding / roguelite забава во преубав и визуелно-исполнителен свет.
Словенска интерпретација
Deathless. Tales of Old Rus е игра лиј универзум е силно инспириран од словенски фолклор. Уште на самиот почеток сте опсипани од цртежи, описи, приказни и традиции кои се карактеристични за словенскиот фолклор. Во deathless играте со херои.Секој од хероите се одликува со уникатни способности и на различни начини се залага за издвојување победа на бојното поле. Надвор од битките, ќе разговарате со најразлични ликови и ќе прифаќате и исполнувате квестови.
На почеток почнувате со многу мал број карти. Како резултат, имате болно ораничен број од способности и често сте изложени на едни исти анимации. Но, таквото нешто не трае долго време и преку секој (нов) ран отклучувате нови карти и таканаречени модификатори на битки.
Со оглед на тоа дека картите, односно модификаторите се засновани на рандомен систем на доделување, секој нареден ран знае да биде пораличен од претходниот. За пофалба е и одличниот, креативен дизајн на непријателите – најразлични суштества кои, како што напоменавме, се силно инспирирани од словенскиот фолклор.
Целосната верзија на Deathless. Tales of Old Rus би требало да излезе на крајот на 2024 година. Во меѓувреме, тимот работи на вметнување нови херои, непријатели, шпилови од карти и моќни реликти.
Повеќе детали за играта
- Произведува: 1C Game Studios
- Издава: 1С-777 Limited
- Жанр: roguelite / deckbuilding
- Платформа: Microsoft Windows
- Излезе на: 18 јуни 2024
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
