Се чини дека моделот со претплата зазема сè поголем замав и пушта флексибилни корени и во гејмерската индустрија.
Иако сѐ уште не е официјално потврдено, издавачите Ubisoft би можеле набргу да понудат Ubisoft пропусница. Сликата која сосема случајно се најде на нивниот сајт беше молневито брзо повлечена. Меѓутоа, страната на која се најде, односно одделот Ubisoft Subscription и понатаму е функционален, што нѝ кажува дека Ubisoft не го кријат фактот и дека вести за претплата би можеле да добиеме исклучително бргу.
Нешто повеќе од две години како издавачите ЕА нудат претплатнички модел каде за 25 евра годишно (или 4 евра месечно), претплатниците уживаат во над 195 игри, како и 10% попуст во продавницата Origin. Таканаречениот Origin Access се покажа профитабилен и затоа што нуди ексклузивни пробни периоди со најновите игри. Набргу потоа, ЕА понуди и повисок столб на претплата. За годишна претплата од 100 евра (или 15 евра месечно), гејмерите добиваат пристап и до најновите игри, со што бројката од игриви наслови се зголемува на 205.
Со оглед на долгогодишната солидна функционалност на клиентот на Ubisoft, воопшто не нè изненадува ваквото можно проширување на uPlay. Пред неколку месеци, Ubisoft најави дека uplay поените ќе бидат со рок од траење од две години. Исклучително сме љубопитни да видиме дали претплатата ќе може да биде купена и со таквите дигитални поени кои се добиваат со играње на нивните игри. За крај, знаеме дека постои Ubisoft Pass Premier, што значи дека би можело да има и некаква Basic претплата. Времето ќе покаже колку би чинеле и што би можеле да нѝ понудат.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] Гласините за претплатнички гејминг на игрите на Ubisoft произлезе дека се вистинити. Од септември, гејмерите имаат можност, за месечна претплата од 900 денари, да ги играат скоро сите игри на Ubisoft. Стотици игри во нивната ултимативна форма (со сезонски пропусници и сите додатоци) ќе се натпреваруваат за вашето внимание. Ubisoft ја објавија листата од игрите кои ќе можат да се играат во самиот почеток. Листата од игрите ќе биде подложна на промени и може да зависи и од територијалната поставеност на самиот корисник. Сите заинтересирани можат да започнат бесплатен пробен период од еден месец, но за уживање на таквата предност потребно е оставање детали од вашата кредитна картичка. […]