Windows Hello, новaта алатка за отклучување на Windows 10 компјутерите со препознавање на лице е изненадувачки добра алатка. Дури и кога системот за препознавање на лице беше соочен со вистински предизвик, Windows Hello се покажа како победник препознавајќи 6 од 6 идентични близнаци. Експериментот доаѓа од Австралија каде 1 од 40 Австралијанци има близнак, што секако преставува проблем за технологијата за препознавање на лице. Но, тоа што е пријатно изненадување е што Windows Hello не го погреши близнакот. Ниту еднаш не го отклучи компјутерот доколку грешниот брат/сестра се обидуваше да пристапи до профилот, вели The Australian.
Windows Hello е овозможен благодарение на Intel RealSense камерата, која доаѓа со три камери: инфра црвена, обична и 3Д-камера кои заедно онвозможуваат било каква злоупотреба. Благодарение на ова системот погрешно се отклучува во 1 од 100.000 случаи, велат компаниите. Ова технологија може да биде многу важна во иднина бидејќи препознавањето на ликот или отчитувањето на отпечатоци, во иднина би можеле да ги заменат лозинките, откако лозинките се покажаа како исклучително небезбедни, а секоја година се продаваат милијарди лозинки на скриениот интернет.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
