Amazon објави дека CodeGuru, вештачката интелигенција која проверува код е достапна за сите. CodeGuru е алатка за програмери која откако ќе го разгледа кодот помага со препораки за зголемување на квалитетот.
Вештачката интелигенција е тренирана на над 10000 проекти со отворен код. Технологијата го скенира кодот пронаоѓа багови и критични грешки, и дава совети за тоа како да се надминат проблемите. CodeGuru може да пронајде и кои линиите во кодот најмногу ја покачуваат цената на работа.
Компанијата проценува дека со оптимизацијата во екстремен случај ќе може да се намали користењето на процесор 325%, и да се намали цената на трошоците за 39%.
Корисниците плаќаат единствено за секоја употреба на CodeGuru, и според Amazon цената не е премногу висока и може да се користи за секој преглед на код. Компанијата веќе го користи CodeGuru и со него се оптимизирани на 80 000 апликации.
Целиот систем е поделен на два дела Code Reviewer и Application Profiler.
Во првиот дел девелоперите го оставаат кодот во складиштето за код, и го додаваат CodeGuru како софтвер за проверка на код. Вештачката интелигенција го прегледува кодот и ги пронаоѓа пропустите и баговите. На крајот, CodeGuru додава текст во кој пишува во која линија е проблемот, што е проблемот и препорака како да се надмине.
Вториот дел е Application Profiler и тука CodeGuru ќе им помогне на развивачите на софтвер да ги пронајдат најскапите линии код. Функционалноста пронаоѓа и отстранува неефикасни делови во кодот и со тоа ја оптимизира и подобрува работата и значително ги намалува оперативните трошоци.
Amazon CodeGuru е веќе достапен во S East (Северна Вирџинија), US East (Охајо), US West (Орегон), EU (Ирска), EU (Лондон), EU (Франкфурт), EU (Стокхолм), Asia Pacific (Сингапур), Asia Pacific (Сиднеј), and Asia Pacific (Токио).
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
