Читајте и купувајте македонски е-книги со Книготека

Avatar img-thumbnail img-circle

во Софтвер

Во време кога погодноста е луксуз, дигиталните книги штедат на пари, време, и нерви. Неодамна, пишувавме за Македоника, сајт и апликација која ви дозволува бесплатно да читате бројни македонски книги. Книготека одлично се надоврзува на Македоника и оди еден чекор понапред – покрај бројни бесплатни изданија нуди и комерцијални за, обично, двојно пониска цена од печатеното издание.

Дигиталната книжарница, Книготека, соработува со бројни издавачи како Магор, Или-Или, Полица, а купените книги можете да ги читате од каков било паметен телефон, односно таблет. Иако можете да купувате книги преку прелистувач, нема да можете истите да ги читате од тука, туку мора да се префрлите на апликацијата за Android, односно iOS.

Откако ќе зграпчите бесплатна книга или пак ќе купите некоја можете веднаш да започнете со читањето. Книготека има богати можности за средување на книгата онака како што баш сакате. Имено, можете да ја менувате големината на текстот, фонтот, како и бојата на екранот. За секоја страна можете да поставувате обележувачи, секој збор можете да го подвлечете, а секоја мисла можете да ја вдомите во виртуелни белешки. Згора на тоа, можете да пребарувате низ целата книга по одреден збор или фраза, да го оценувате секое дело или да ги споделувате мислите за истото преку социјалните мрежи. Подразбирливо, за купената книга не е потребна интернет конекција откако еднаш ќе биде преземена.

Апликацијата за iOS има само една оценка, но апликацијата за Android веќе има извадено средна оценка од 3.7, засновано на 64 рецензии. Дел од корисниците се задоволни од можностите кои се кријат тука, а дел пријавуваат техничи проблеми кои лесно се отстрануваат по контактирање на техничката поддршка. Ние сме релативно задоволни од нашето дружење со апликацијата и мило нѝ е што има и една ваква апликација на пазарот. Во случај да сакате да читате македонски книги и на ваков начин, Книготека е апликација која би требало да ја проверите, ако ништо друго, барем за бесплатните наслови.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments

ит кариера

МАКЕДОНИЈА осигурување АД Скопје Виена Иншуренс Груп

Оглас за вработување на ORACLE DBA

Matrix IT Global Services Macedonia

Marketing Strategist

види ги сите огласи на kariera.it.mk