Во минатото постапката за издавање на уверение за државјанство започнуваше со пополнување на печатено барање за издавање на уверение за државјанство на Република Македонија, истото требаше да се поднесе до Секторот за внатрешни работи при МВР во зависност од подрачјето во кое барателот има живеалиште. Потоа вообичаено во рок од 3-5 работни дена подносителот може да оди и да го подигне уверението. Ако сакате, сѐ уште може да го правите ова на овој начин, ама за среќа има и полесна опција.
Сега уверение за државјанство може да подигнете и онлајн на Uslugi.gov.mk. Подигањето на документот е онлајн и полесно, а секако побрзо отколку физички да поднесете барање.
За пристапување во приватниот дел на Порталот, и извршување на е-услуги, потребно е да се креира кориснички профил, односно eID профил. Граѓаните кои веќе имаат профил на УЈП (е-ПДД) можат да ги користат постоечките податоци за да се логираат на платформата. Ако сѐ уште не сте регистрирани може да прочитате како да се регистрирате за Uslugi.gov.mk во: „Сѐ што треба да знаете за Uslugi.gov.mk – Националниот портал за е-услуги“.
Како да извадите Уверение за државјанство онлајн?
Ако сте регистрирани (или откако ќе се регистрирате) целиот процес е прилично едноставен. Илустрациите кои ги користиме се за мобилната верзија, ама уште полесно ќе се снајдете ако пристапувате од десктоп.
- Најпрво од менито е-услуги одберете „Пронајди услуга“.
- Од подменито „Лични документи и исправи“ одберете „Државјанство“.
- На страницата одберете Aплицирај.
- Ова ќе ве однесе на специјализираната страница за услугата.
Прва работа која треба да ја направите тука е да изберете јазик на кој ќе аплицирате за услугата.
Веќе следниот екран ќе ве пречека со пријатно изненадување.
Најголем дел од податоците се „повлечени“ и голем дел од формата е автоматски пополнет. Име, презиме, ден, месец и година на раѓање, пол, ЕМБГ, се дел од податоците на формата кои се пополнети. Подносителот треба да пополни неколку податоци за родителите и да одбере да поднесе барање за уверение.
Во следниот чекор, во зависност од потребата, треба да поднесете некои од следните документи: Извод од матична книга на родени, Извод од матична книга на венчани или Важечка лична карта или патна исправа. Добра вест е дека може да прикачите PDF-фајл од скениран или фотографиран документ. За да не мора да правите повеќе од една копија… Максималната големина на фајлот кој може да го прикачите е 3MB. Од некоја причина ова не е наведено на страницата, и иако не е огромна препрека, ќе беше убаво негде да беше наведено пред да добиете предупредување дека се обидувате да качите преголем фајл.
Сѐ што останува по ова е да платите.
Цената на документот, барем во моментов е 167 денари. Секако може да платите и онлајн, а за плаќање ќе бидете пренасочени на страна од Casys платежниот процесор.
Откако ќе заврши наплатата, треба да почекате да биде процесирана потврдата од институцијата. Генерираното барање (сликата подолу) ќе го добиете речиси веднаш, а за документот ќе треба да почекате.
Уверението за државјанство ќе го добиете еден ден подоцна без на шалтер да поминете ниту една секунда. Единствен недостаток во целиот процес е што не добивате известување на мејл дека документот ви е издаден и ќе мора рачно да проверувате дали барањето е готово.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Sorsix 
Kade moze da se zema overenieto cekam 3 godini
Електронски може https://uslugi.gov.mk/
na koj salter moze ova da se nadgradi?
Нивото на електронска идентификација можете да го надградите на шалтер или со сертифика
kakov e ovoj kibs sertifikat zosto so vazecka l.k. da ne moze da se najavime i se da bidev poednostavno .
Mене веќе долго време ми функционира и на сопругата, ама на други блиски не баш… Изгледа како кому.
I kaj mene taka, no ima razno nivo(osnovno, nisko…) ako go povrzis so profilot na ujp ne bi imal problem