Nvidia со часовник на GeForce.com го најави својот настан на GDC. Oфицијално нема потврда за што е часовникот, но преглед на кодот наговестува дека Nvidia ќе ја претстави GeForce GTX 1080Ti, вели VideoCardz.
Дека станува збор за „Ti“ серија на графичките картички доволно наговестува и мотото: „It’s almost time“. Настанот е закажан за 28 февруари што соодветствува со GDC.
AMD најави сопствен настан на кој ќе го претстави Ryzen и Vega графичките картички. Двете компании ќе најават моќен хардвер на конференцијата, а по подолго време во фокусот на GDC имаме и хардвер.
Вообичаено Ti серијата на графички картички е нешто послаба од Titan, иако имало и исклучоци. Пример 780 Ti, беше помоќна од тогaшниот Titan, потсетува PC World. Дали ова ќе се повтори сега, тешко е да се прогнозира. Сепак, со оглед на обновеното ривалството помеѓу двете компании, оваа недела ќе биде супер интересна за љубителите на хардвер.
