Во денешно време, ни треба алатка за сѐ и сешто. Како резултат, постојано лутаме од еден кон друг веб сајт или од апликација до апликација. Но што доколку пробаме да добиеме пристап од едно место до бројни алатки. Tooly е еден таков центар кој обединува различни алатки за секакви операции.
Tooly – Tiny Tools Collection е апликација која ќе им користи и на студентите и на наставниците и на оние кои работат во канцелари и на оние кои професионално се занимаваат со програмирање.
Нема што нема во Tooly! Преку шест категории, добивате пристап до алатки за текст, за пресметки, за конверзија, за уредување слики и ред други работи. Па така, можете да добиете инстантен увид за тоа колку карактери има во еден текст или да менувате фонтови во друг. Во поглед на фотографии, лесно ќе дојдете до брзи и лесни можности за нивно сечење или промена на големина. А, нема да бидете ни разочарани доколку сакате да извршите одредени пресметки поврзани со алгебра, геометрија, и слично.
Колку е добра Tooly?
Ако може да се верува на корисниците, Tooly – Tiny Tools Collection e релативно добра колекција од алатки, бидејќи може да се пофали со над 50 000 преземања и, уште поважно, има оценка од 4.3, заснована на 334 рецензии.Компанијата која стои зад алатката, YaAppsX, претходно има работено на корисен pixel art уредник – PixsLab, како и на алатка за броење зборови, но и алатка за позадини. Од сите нивни алатки, Tooly се чини како нивната најдобра!
Голем број од корисниците се задоволни со тоа што има над 100 алатки од една појдовна точка, но на некои навистина им бодат очи огласите и бараат можност барем да се плати за да не мора постојано да им се нарушува искуството.
Што мислите вие? Која е вашиот избор кога се работи за апликација со колекција од алатки?
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
2Coders Studio 
