Еден од најголемите светски авиопревозници British Airways е жртва на онлајн напад. Компанијата објави дека истражува кражба на кориснички податоци на корисниците од веб-страницата и од мобилната апликација, пренесе BBC.
Доведена е во прашање безбедноста на податоците од околу 380 000 трансакции.
Напаѓачот имал пристап до податоците од 21 август до 5 септември. Сега безбедносниот пропуст е надминат, но податоците за трансакциите во овој период се проблем. Превозникот им јавува на сите клиенти да се консултираат со банките за евентуалните последици. Компанијата ги извести засегнатите клиенти, но секако добар совет е сите кои се во некаква опасност да си ја проверат сметката со банката.
British Airways ја извести полицијата за нападот и сите агенции.
