Борејќи се против цензура, Anonymous претстави ривал на Pastebin

Хактивистите Anonymous го претставија AnonPaste, кој е алтернатива на Pastebin сервисот кој неодамна се закани дека ќе ги цензурира сите постови кои содржат украдени информации.

Pastebin не само што е лесен за користење туку и дозволува анонимно закачување на постови, без потреба од регистрација. Токму поради тоа Anonymous и други хакери го користеа овој сервис за да закачуваат постови со украдени, пробиени информации. Сега, откако Pastebe реши да си го исчисти името од негативниот публицитет и се закани дека ќе цензурира, Anonymous го стартуват АnonPaste сервисот кој е најавен како „тотално безбедна алтернатива“.

Според креаторите на сајтот, кои велат дека се дел од Anonymous и People Liberation Front, сервисот нема да собира логови за IP-адресата на корисниците, и ќе ги енкриптира лозинките за да се обезбеди анонимноста на корисниците. Ќе нема цензура и модерација бидејќи „веруваме дека информацијата мора да биде слободна“.