ReachNow е одговорот на BMW на сервисите за превоз на патници како Uber и Lyft. Компанијата е во сопственост на BMW, а нуди исти или слични услуги како Uber.
До моменталната промена сервисот нудеше различна услуга, како изнајмување на возила. Сега истиот сервис нуди изнајмување на возило, но истовремено нуди и изнајмување на возач. Барем засега платформата е во бета тест фаза.
Ride сервисот е достапен единствено во Сиетл. Корисниците од овој град можат да си изнајмат некој од моделите на BMW, но и да побараат превоз. Превоз може да се побара и за во некој иден период помеѓу 20 минути и 1 недела.
За разлика од Uber и Lyft, платформата на BMW не овозможува возачот да дојде со сопствено возило, туку мора да користи некое од возилата од флотата на BMW.
Тестовите на сервисот на BMW можеби се најдобар показател дека поседувањето возила оди во историја. Корисниците се заинтересирани за изнајмување на возила, наместо како до неодамна за купување на сопствен автомобил.
ReachNow сервисот за споделување превоз функционира и во Портланд и Њујорк, јави GeekWire.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
