AdBlock Plus е екстензија која е достапна за најчесто користените прелистувачи. Покрај титаните како Chrome, Firefox, и Internet Explorer, експанзијата ќе ви излезе во предвид и за прелистувачите Safari, Edge (beta), Opera, Maxthon, Yandex Browser. Примарната цел е да блокира пласирање на реклами кои значително го загрозуваат искуството на сајтовите. На тој начин, не само што се подобрува видливоста, туку и се забрзува целото искуство.
Но, дали е ова добра работа?
Од една страна, посетувањето сајтови знае да биде значително попријатно, но, со блокирање на рекламите, најверојатно го отсекувате единствениот извор за создавање профит на сајтот. Поради тоа, AdBlock Plus ќе ви дозволи да ги ставите вашите омилени сајтови на белата листа и да им дозволите да прикажуваат реклами, како би можеле да остварат одредена заработка. И самиот AdBlock Plus печали на интересен начин. Имено, ектензијата дозволува да се прикажуваат одредени реклами кои не ги загрозуваат правилата за прифатливи реклами и, со таквото прикажување извлекува 30% од заработките. Нормално, доколку сакате и таквите реклами да ги блокирате, кликнете во ABP менито, па преку запчаничето изберете Advanced. Најдете Filter Lists и дештиклирајте ја опцијата Allow non-intrusive advertising.
Иако повеќето сајтови оставаат на вас да се развие свеста за позитивната страна на рекламите, други сајтови агресивно се борат против можностите на AdBlock Plus и, доколку го детектираат, ќе почнат да бараат да им платите за вакво непречено искуство, или пак да ја деактивирате екстензијата. Ни Google не седи со скрстени раце и неодамна објави дека ќе се воведат промени кои значително ќе ја забрзаат работата на екстензиите. Доколку дојде до ова, многумина претпоставуваат дека екстензиите како AdBlock Plus ќе престанат да работат. Ова, меѓутоа, само ќе допринесе засегнатата група да се префрли на алтернативен прелистувач.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] Единствена забелешка за Free Vintage Posters упатуваме кон бројните реклами кои агресивно го наоѓаат местото на секој празен простор. Во случај да сакате да ги елиминирате, земете ги во предвид можностите на AdBlockPlus. […]