Blackphone е нов телефон за ново време во кое приватноста полека станува мит. Телефонот доаѓа со PrivatOS, модифицирана верзија на Android, која обезбедува криптирани телефонски разговори, текстуални пораки, трансфер и зачувување на документи и видео разговори. Телефонот ќе ги подржува апликациите на Google, но ќе бидат преработени со зголемена безбедност.
Silent Circle и Geeksphone се двете компании кои стојат зад проектот, помеѓу креаторите е и Фил Зимерман, основачна Pretty Good Privacy (PGP), еден од првите стандарди за имејл заштита. Покрај г. Зимерман, на телефонот работат Џон Калас, ко-основачот на PGP inc, Родриго Силва Рамос, ко-основач на Geeksphone, и Мајк Јенке, директор на Silent Circle. Geeksphone е шпанскиот стартап кој во партнерство со Mozilla креираше телефони за Firefox OS, a Silent Circle пак е компанија која овозможува безбедна комуникација за мобилни уреди, десктоп и имејл.
Повеќе информации за телефонот ќе бидат на Mobile World Congress кој се одржува во Барселона од 24 февруари, кога и се очекува да започне претпродажбата на телефонот. Интересот за овој телефон би можел да биде навистина голем со оглед на тоа дека NSA покажа што се мисли за приватноста на корисниците.
