Beat ‘Em Up Collection од студиото QUByte Interactive e внимателно составена компилација која обединува седум класични игри, пренесувајќи го духот на аркадните игри и 16-битните конзоли директно на модерните платформи. Наместо обичен порт, колекцијата е дополнително збогатена со современи функции кои го подобруваат искуството без да ја нарушат автентичноста на оригиналите.
Овој пакет вклучува седум различни наслови, секој со свој уникатен шарм, приказна и стил. Од митски легенди до дистописки иднини, колекцијата нуди широк спектар на авантури.
First Samurai & Second Samurai: Овие два наслови ве ставаат во улога на самурај кој патува низ времето за да се бори против демонски сили. Првиот дел, First Samurai, ве води на мистично патување каде што користите древни моќи и маѓепсани оружја за да го вратите балансот во светот. Продолжението, Second Samurai, ја надградува сагата со уште побрза акција, соочувајќи ве повторно со Кралот на Демоните и додавајќи интересни загатки во околината. Двете игри, оригинално издадени за платформи како Amiga и SNES, се одличен пример за класичен акционен платформер.
Gourmet Warriors: Во една пост-апокалиптична иднина каде храната е најголемо богатство, се борите против мутанти и роботи на улиците на градот Зевс Хевен Меџик Сити. Играта, оригинално за SNES, комбинира хаотична акција со уникатен и хумористичен концепт.
Iron Commando: Во оваа игра, вие сте последната линија на одбрана против терористичката група GHOST која се обидува да украде радиоактивен метеор. Можете да изберете помеѓу војникот Џејк или експертот за боречки вештини Ченг Ли. Акцијата е немилосрдна и се одвива на различни динамични локации како возови во движење, рударски окна и други подеднакво адреналински ситуации.
Legend: Вратете се во суров средновековен свет каде што мора да го ослободите кралството Селек од тиранијата на злобниот волшебник Кловиус. Оваа игра е класичен претставник на жанрот, со мрачни витези, змејови и други митски суштества кои стојат на вашиот пат. Legend е уште еден бисер од ерата на SNES, познат по својата атмосфера и предизвикувачка игра.
Sword of Sodan: Со својот уникатен визуелен стил и мрачна фантазиска атмосфера, Sword of Sodan ве става во улога на моќен варварин (машки или женски лик) во борба против волшебникот Зора и неговата монструозна армија. Оригинално издадена за Amiga и Sega Mega Drive, оваа игра се истакнува со големите и детални ликови, нешто што беше реткост за тоа време.
The Tale of Clouds and Winds (Water Margin): Инспирирана од кинескиот литературен класик „Водна граница“, оваа игра ви овозможува да изберете еден од тројца херои-одметници во борбата против корумпираните господари на војната во древна Кина. Она што ја прави посебна се разгранетите патеки и повеќекратните завршетоци, кои зависат од изборот на лик и тежината на играта.
Колекцијата се одликува со функција зе премотување за да лесно се вратите неколку чекори наназад и да ја исправите грешката. Паралелно со ова, можете да користите читови, целосно да ги менувате контролите, како и да наметнувате различни визуелни филтри и поставки на екранот. Секоја игра доаѓа и со дигитален прирачник за полесно разбирање на механиките.
Beat ‘Em Up Collection (QUByte Classics) е одличен пакет кој успешно ги спојува минатото и сегашноста. За ветераните на гејмингот, ова е совршена можност да ги преживеат спомените од детството со игри кои можеби ги пропуштиле. За новите генерации, ова е лекција по историја и шанса да откријат зошто овој жанр бил толку популарен. Со седум разновидни игри и паметно имплементирани модерни подобрувања, оваа колекција нуди одлична вредност и часови забава исполнета со адреналинска, 16-битна акција.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
